A primeira biografía editada sobre Antonio Fraguas contou cunha fonte de información inmellorable á hora de redactar a obra: a propia memoria de Fraguas, prodixiosa e clara ata a súa morte. Unha das figuras fundamentais da cultura galega, foi coñecido ente outras cousas polas súas investigacións no eido da antropoloxía, etnografía e folclore, publicacións históricas, traballos no Seminario de Estudos Galegos ou o labor como Cronista Oficial de Galicia.