A libreira recomenda Non son de aquí. A poesía de María do Cebreiro é sutil como contemporánea. O amor, a perda, as ilusións, o desexo e o desapego son temas condicionantes duns poemas que se imaxinan sós e semellan escritos dende unha suposta facilidade. (Anabel Bugarín, Libraría de A Coruña) Escribir poesía como se non houbese poesía. Falar como se todo o mundo tivese ese dereito. Un libro este de María do Cebreiro que non quere fundar nada. Un movemento que nega o movemento. A distancia pode ser anterior ao sentido de pertenza. O desapego pode ser a condición do amor.