servando vese reí ós quince anos e decide saír a descubrí-lo mundo fóra dos muros do seu pazo. é á mañá cedo cando sae; a súa sombra é longa, séntese forte e grande, e imaxina que poderá conquista-lo mundo enteiro. pero cando chega o mediodía e a calor aperta, séntese canso de andar todo o día e nin sequera é quen de atopa-la súa sombra... daquela tan só desexa que alguén o recolla e o leve de volta ó seu pazo.