Gorria da Trianoko lurra; gorria da inguru hareetan antzina ugari egoan mineralaren aztarnea; gorria da Galdameseko mendien atzean ostentzen dan eguzkiaren islea. Baina, gauak eguna mende hartzen dauanean, beste gorri mota bat nagusitzen da Zugaztietan: dirua inongo erruki barik egin gura dabenen ikuskizun larria.Blacky, Patxoren txakurra, ikuskizun horretara eroan dabe, ilargi betea lekuko dala. Lagunen ausardiak bakarrik salbatu ahal izango dau txakurra eskrupulu bako gizon-emakumeek prestatu deutsien burrukatik.