Reseña del libro "vigo, economía e sociedade"
no mundo de hoxe, caracterizado polos efectos da globalización e do cambio tecnolóxico, o reto fundamental de calquera cidade é o de facer compatible o seu crecemento urbano coas condicións axeitadas de vida e de traballo para os seus habitantes.
un amplo grupo de autores coordinados por xosé h. vázquez-vicente, membros das universidades de vigo e santiago e responsables da administración autonómica, abordan dende a perspectiva do desenvolvemento sostible os retos da economía e da sociedade de vigo e a súa área metropolitana. baixo este espírito preséntanse os seus traballos en catro seccións de carácter temático: a primeira parte dedicada a estudar cuestións histórico-políticas, a segunda a valorar os recursos produtivos e as manufacturas, a terceira a analizar a crecente terciarización da economía local e as súas implicacións e a última a debater sobre algunhas das cuestións cruciais que afectan de maneira directa á calidade de vida dos cidadáns: o emprego, os distintos tipos de marxinación, o tráfico e o medioambiente.
o resultado é unha obra polifónica e novidosaque pretende axudar aos cidadáns a descifrar polo miúdo a complexidade de vigo e da súa área metropolitana, un espazo urbano que posúe un extraordinario dinamismo social, económico e político.
autores participantes no volume: xosé h. vázquez-vicente (ed.), xoán carmona badía, xosé manuel souto gonzález, xosé luís barreiro rivas, albino prada blanco, juan rodríguez yuste, santiago gómez fráiz, josé manuel garcía vázquez, mercedes vila alonso, carlos ferro soto, manuel guisado tato, ana martínez senra, manuel varela lafuente, juan surís regueiro, rocío rodríguez daponte, maría antón vilasánchez, maría del mar rodríguez domínguez, xavier martínez cobas, xosé antón fernández roxo, antonio vaamonde liste, manuel lago peñas, coral del río otero, carlos gradín lago, mar gonzález savignat e maría xosé vázquez rodríguez
