Reseña del libro "A Bruxa Regañadentes + Álbum Ilustrado Dixital"
Este libro propón a lectura en soporte papel e en pantallas dixitais. Editado para soporte papel con estrutura de Álbum Ilustrado, e editado para pantallas dixitais con estrutura de Álbum Ilustrado Dixital, ofrece ao lector a posibilidade de contrastar e comprender a lectura en cada un dos dous soportes. Comprender que os medios tecnolóxicos se poden usar para facer un exercicio de lectura que reporta historias ricas en valores, é de especial importancia para que o lector asuma que non se pode establecer unha dicotomía entre o soporte físico e o soporte dixital. Editado como Álbum Ilustrado en soporte papel, en 48 páxinas, e editado como Álbum Ilustrado Dixital para pantallas (tabletas, teléfonos, computadores), en 99 páxinas ou pantallas, narra a mesma historia co mesmo número de palabras, adecuado para a idade do lector para o que está dirixido. Recensión do libro reducida Tres irmáns, desatendendo as advertencias da nai, intérnanse nun bosque escuro e misterioso, onde calquera cousa pode suceder. O máis pequeno, temeroso e consciente do perigo, trata de avisar os dous máis vellos, pero cando ten que tomar unha decisión acaba por acompañalos. Como non saben o camiño de volta, deciden entrar na casa da bruxa, onde cheira a comida…
